燉湯店夜晚「試過冇客」 楊明:唔知撐得幾耐 隨時執笠

楊明暫時都冇炒人,但就冇再請兼職。
無線《機場特警》演員楊明、黃子恆、孫慧雪及吳家樂到深水埗派口罩。楊明指屋企消毒用品還夠用,但口罩只用剩最後一盒,他說:「開頭諗住疫情好快過唔想囤積太多,依家又要開始蒐購。舖頭都要口罩,幸好存貨都夠用一、兩個月。」
希望可以保住啲長工
楊明又坦言燉湯店生意受疫情影響,夜晚生意比較差,灣仔店更試過夜晚一個客人也沒有:「好彩仲撐得住,冇炒人,但係就冇請兼職,希望可以保住啲長工。4間分店業主都好好,疫情前減過一次租,大家最近都商量緊有冇得再減,亦有申請《防疫抗疫基金》,希望疫情快啲過,唔知可以撐得幾耐。」

楊明希望業主可以再減租。
結婚冇壓力
楊明與女友莊思明近日出席莊思敏婚禮,女友更接到花球。楊明笑言:「我懷疑花球係綁咗魚絲,無論擲到邊都係佢接。(有冇壓力?)冇,最好笑明明係莊思敏結婚,但好多朋友傳訊息畀我,問幾時到我,外父外母都冇催婚,順其自然。」
講到新劇《機場特警》重見天日,楊明不覺劇集是倉底貨,公司會找合適時間推出,因每套劇拍完也要花半年做後期,所以出街時間也正常。
講到警民關係緊張,楊明說:「唔理咁多,拍劇只係想帶娛樂畀市民,希望喺乏味生活中帶啲娛樂畀大家,大家用呢個心態睇電視會開心啲。(可擔心網民罷睇?)無論罷唔罷睇,鍾唔鍾意我都控制唔到,每個人都有自己選擇,如果唔喜歡,或令到佢哋唔開心,可選擇唔睇,我哋做電視都只係想娛樂大家。」

楊明到深水埗派口罩。

吳家樂都有出一分力!

楊明派口罩予長者。

相關文章

喜歡我們的文章嗎?按個讚吧!

關 閉 視 窗
搜尋